Paraguay President thar lalut

Paraguay President thar Mario Abdo Benitez chu Nilaini khan rinawmna thu tiamtira lakluh a ni.

Kum 46 mi, Benitez hi Paraguay President 50-na a ni a, an ram khawpui Asuncion-a Lopez Palace-ah lakluh a ni. President thar lakluh inkhawmah hian ramdang hruaitu pasarih bakah palai eng emaw zat an tel. President thar hian an ram dinhmun siamṭha turin eptute pawh ṭha taka thawhpui zel a tiam a, an ram hmalam dinhmun ngaihtuahtu, mipuite rin ngam hruaitu nih a tum thu a sawi. Hetihlai hian rorellai party, Colorado party chhungah innghirghona a awm mek a, President thar lakluh inkhawm pawh hi Colorado senator pasarih leh MP 20-ten an boycott a ni.