UN expert-ten Bahhrain activist chhuah turin ngen

UN panel chuan Bahrain human right activist, thu dik lo thehdarh leh thuneitute hmusit zawnga thu chhuah siama puh vanga jail-a tang mek, Nabeel Rajab chu chhuah turin a ngen.

Nabeel Rajab hi kum 2016 aṭang khan jail-ah tantir a ni.

Working Group on Arbitrary Detention chuan Nabeel Rajab thiamloh chantir a nih dan chu dan kalh anih thu leh, freedom of expression palzutna a nih thu a sawi. Hetih lai hian Bahrain sorkar chuan Rajab-a thubuai chu dik tak leh langtlanga kalpui a nih thu a sawi thung.

Bahrain Center for Human Rights (BCHR) hotu leh International Federation of Human Rights (FIDH) deputy secretary general Rajah hi kum 2016 June thlaa man a ni a, nikum February thla khan a twitter-ah Bahrain tan-ina innghaisakna thleng ṭhin leh, Saudi Arabia kaihhruai Arab ṭangrual ramten Yemen-a beihpui an thlak dan chungchang sawiselna a ziah avangin kum nga tang turin hrem a ni.