Indonesia-a Lombok island-ah lir a nghing leh

Indonesia-a Lombok thliarkarah Pathianni khan ṭum eng emaw zat lir a nghing leh a, heng zingah hian magnitude 6.9-a naa pawh a tel a ni. Lirnghingin chhiatna a thlenah mi pakhat a thi a, mi tam tak chu inah awm ngam loin kawtthlerah an tlanchhuak bawk.

August 5 khan Lombok island-ah hian 6.9-a nain lirng a lo nghing tawh a, mi 460 an thi a ni. Lirnghing vang hian Mount Rinjani-ah mi tam tak an tangkhang phah a, hemi hnu hian he tlang hi khualzinte tlawh theih loh tura khar rih a ni.

August thla tira lirnghingin thil a tihchhiat hi US dollar maktaduai 342 hu nia sawi a ni. Mi 350,000 chu sorkarin awm lailawkna tura a siamah an la khawsa mek a ni.