Israel-in Gaza kalpawhna kawng a khar

Israel chuan Gaza Strip a kalpawhna awmchhun, Erez crossing chu Pathianni khan a khar.

Official chuan kar kalta kartawp lamah Gaza ramri-a Palestnian-ten nawrh an huaihawt a, buaina a chhuah leh avangin ramri hi khar a nih thu a sawi. Zirtawpni-a nawrh huaihawtten buaina an siam avanga Israel sipaite silai hmehpuahah Palestinian mi pahnih an thi a ni.

Israel sipaite chuan ramri hungna hi firebomb leh IED hmanga beih a nih thu leh, Palestinian mi eng emaw zat chu Israel ram china an luh thu an sawi. Erez crossing hi eng chen nge khar a nih dawn tarlan a ni lo.

Kum 10 chuang zet chu Israel hian Gaza kalpawhna hi khawmual, boruak leh tuipuiah a dansak a, phalna a pekchhuahte chauh an kal a phalsak a ni. Kar hmasa khan thla khat chuang zet a khar hnuah Erez crossing hi a hawng a, mahse ramri-a buaina a chhuah leh avangin a khar leh ta a ni.