Party hruaitu tur thlannaah Australia PM chak

Australia Prime Minister Malcolm Turnbull chuan Thawhṭannia an party, Liberal Party hruaitu thlannaah hnehna a chang leh.

Liberal Party hruaitu hi Malcolm bakah Peter Dutton-ten an chuh a, Malcolm hian vot 48 hmuin Peter Dutton hian vote 35 a hmu a ni. Thawhṭanni hian party leader bakah, deputy leader tur pawh thlan nghal a ni a, mahse he dinhmun chuhtu hi pakhat chauh a awm a, a chuhtu awmchhun Foreign Minsiter Julie Bishop-i chu tlinga puan nghal a ni.

Kum 2010 khan Kevin Rudd chu prime minister anih laiin party hruaitu a nihna aṭangin a deputy Julia Gillard chuan a lo hneh tawh a, mahse a hnuah hneh let lehin kum 2013 khan thuneihna a chang leh a ni. Mahse hemi hnua inthlan buatsaihah an party chu a chakpui zo ta chuang lo a ni.