Facebook-in fake account 652 paih sak

Facebook chuan Iran leh Russia aṭanga siam, fake account 652 chu a delete sak.

Facebook chuan Iran leh Russia aṭanga siam, fake page, group leh account dangte pawh chhui chian mek a nih thu a sawi a, US leh UK sorkarte hnenah an thil hriatte pawh an hrilh ve zel thu Facebook-a Cybersecurity Policy hotu Nathaniel Gleicher chuan a sawi. US-in Iran a hrekna kaihhnawih thilte a awm avangin US Treasury leh State Department-te pawh an sawipui niin a sawi bawk.

Twitter pawhin Iran aṭanga account siam 300 vel a delete sak tawh niin a sawi bawk. Cybersecurity firm FireEye Inc., hnen aṭanga thu an dawn danin heng account-te hi Iran propaganda chawi lar nan te, Saudi, Israel leh Palestinian theme sawiselna atan tea hman a ni ṭhin niin a sawi.