Malaysia-in Chinese project lian pahnih cancel

Malaysia Prime Minister Mahathir Mohamad chuan Chinese company-ten an rama infrastructure project lian an siam tur chu an ramin leiba tam tak a neih mek avangin an tan a hautak dawn lutuk nia sawiin a cancel tih a sawi.

Heng project hi China-in Belt and Road Initiative a kalpuina peng pakhata kalpuia ni a, mahse leiba an ngah vangin an tan a hautak a, China pawhin Malaysia ram suma a tlakchhiat chu a duh dawn lo a, an harsatna tawh mek pawh chu a hriatthiam pui ngei dawn niin PM Mohamad chuan a sawi.

Project pakhat, East Coast Rail Link tia vuah hi South China Sea leh Malaysia khawthlang lam inkalpawhna tur niin, sumdawnna kalpuina tur pawimawh tak a ni. Pakhat zawk hi Borneo thliarkara Sabah-a natural gas pipeline siamna tur a ni.