Iran-in an rama siam fighter jet hmasa ber tlangzarh

Iran chuan an rama fighter jet siam hmasa ber a tlangzarh.

State TV chuan he fighter jet, Kowsar hi hlawhtling taka enchhin a ni tawh tih sawiin, Thawhlehni khan mipuite hmuh theih turin runway-ah pholan a ni. Kar kalta Inrinni khan Defence Minsiter Amir Hatami chuan fighter jet hi tlangzarh a nih tur thu a lo sawilang tawh a ni.

National Defence Industry exhibition-ah fighter jet hi pholan niin, a cockpit-a President Hassan Rouhani ṭhu lai thlalakte pholan a ni bawk. He fighter jet hi Iran ramchhungah vek siam a nih thu Tasnim news agency chuan a sawi.