US-ah cancer vanga thi tlahniam zel : Report

United States-ah chuan kum 30 liamta chhung khan cancer vanga thi zat chu hmun thuma ṭhena hmun khat dawnin a tlahniam a, hei hi diagnoses hma taka an lak ṭhin vang te, enkawlna ṭhazawk an dawn vang te leh meizial zu an tlakhniam zel vang tih zirchianna chuan Nilaini khan a tarlang. Cancer vanga thi rate hi kum 1991-2019 chhung khan mipa leh hmeichhe zingah 32% ve ve in an tlahniam tih American Cancer Society (ACS) annual report chuan a sawi. Hei vang hian cancer vanga thi mi maktaduia 3.5 velin an tlem phah a ni. "Mei zu an tlakhniam vangin chuap leh meizial zuk vanga a kaihhnawih dang natna a tlem phah vanga tlahniam hi a ni" tiin chuap cancer chu natna dang zawng aia thihna thlentu lianber a ni, an ti.

Kum 1990 chho aṭang khan kumtinin 1% in a tlahniam a, kum 2015- 2019 inkar khan a leta tlahniamin, kumtin 2% velin a tlahniam thung a ni. "Cancer vanga thizat tlakhniam chhan chu kan inven vang te, screening, hma taka diagnosis lak vang, treatment leh cancer tel lohna khawvel din tuma kan hmalakna kalzel a ni" tiin ACS report chuan a tarlang. Kum 2004 khan, chuap cancer nei zinga 21% chauh chu kum thum hnuah an la dam a . Mahse, kum 2018 khan 31% in a sang chho leh a ni. Cancer hi United States-ah lung natna dawta thihpui tamber an ni.

Kumin chhung hian, ACS chuan mi maktaduai 1.9 velin cancer an nei dawn tih sawiin, mi 6,10,000 te chuan an thihpui dawn bawk a, cancer vangin nitin mi 1,670 thi tur anga ngaih an ni.

Organization tarlan danin, Cancer thlentu zinga 42% chu ven theih anih thu sawiin mei zuk, thau chhe ngah lutuk, zu in, ei tur ṭha ei loh leh taksa sawizawi loh vanga thleng thei anih thu an sawi.

Kum 2015-a thluak cancer vanga a fapa chanta President Joe Biden pawhin president anih chhung chu he natna do tur hian theihtawp a chhuah tur thu sawi mahse, Covid-19 hripui leng vangin a hmalakna te a tihlawhtling thei rih lo a ni.