NKorea-in launch site tichhiat hna chawlhsan: US think tank

US think tank, 38 North chuan kar hamsaa satellite thlalaka a lan dan aṭangin, North Korea chuan August thla thira a missile engine test site tihchhiat hna a thawh chu a chawlhsan leh nia a lan thu a tarlang.

Kumin June thlaa US President Donald Trump leh North Korea ram hotu Kim Jong-un ten Singapore-a meeting an neihah khan Kim chuan an rama nuclear ralthuamte tihbo a, a enchhinna hmunte tihchhiat vek a lo tiam tawh a ni. A thutiam ang hian tun thla tir lam khan Sohae Satellite Launching Station-a test site chu a tichhe ṭan a, mahse August 16-a satellite thlalakah a hmalakna hi a chhunzawm leh tawh lo niin a lang a ni.

UN nuclear watchdog, International Atomic Energy Agency (IAEA) pawhin report a tihchhuah tharah NKorea hian nuclear activities a chawlhsan nia lanna engmah an hmu lo niin a sawi bawk.