Israel-in West Bank-a in 1,000 chuang sakna tur pawm

Israel sorkar chuan Palestinian ram a luahsak, West Bank-ah Juda te chenna tur in 1,004 sak tharna tur a pawm niin Peace Now NGO chuan a sawi.

West Bank-a in sak tur zinga in 370 hi kumin July thlaa Palestinian miin Israel mi pathum a vihna hmun, Adam hmuna sak tur a ni. Israel Defence Minister Avigdor Lieberman chuan Israel mite beih an nih chhan letna atan hian Adam settlement-ah hian Juda te tan in 400 sak thar a tiam tawh a ni.

Peace Now chuan West Bank-a in sak tum zat a hmaa in 2,629 lo ruahman chu kum 2017 khan in 6,742-ah tihpun a ni tih a sawi bawk.