Australia foreign minister a bang

Australia Foreign Minister Julie Bishop-i chuan cabinet member a nihna aṭanga a ban thu a puang.

Hetih lai hian kar hmasa Zirtawpni-a rorellai party, Liberal Party hruaitu thlanaa thlan tlin, Prime Minister Scott Morrison chuan a cabinet thar turte buatsaihin a puang chhuak thuai dawn nia sawi a ni. 

Party hruaitu thlanaah hian Bishop-i hian a chuh ve bawk a, mahse round khatnaah a tla nghal a ni. Kum 62 mi, Julie Bishop chuan cabinet member a nihna aṭang a ban thu a sawi rual hian, kum 2019-a an ram inthlanpui neih turah a chuh dawn leh dawn loh pawh a la tichiang lo niin a sawi.