US-in Gaza leh West Bank tana ṭanpuina titlem dawn

US chuan Gaza Strip leh West Bank-a Palestinian mite chhawmdawlna a pek ṭhin chu a titlem dawn.

President Donald Trump chuan Gaza leh West Bank tana chhawmdawlna pek ṭhin zinga dollar matkaduai 200 chuang chu hmun danga pe turin thupek a tichhuak a ni. State Deparment official chuan ṭanpuina sum an pekte hi US duhdan angin hman a ni ṭhin em tih ennawn hnuah he thutlukna hi siam anih thu a sawi.

US hian Palestinian mite chhawmdawlna tur, UN relief agency-a pek tur dollar maktaduai 65 pawh a la hreng bawk.

Donald Trump a president hnuah US leh Palestinian te inkar boruak hi a ṭha lo chho hle a, kum 2017 December thlaa Trump-an Israel khawpui atana Jerusalem a pawm thu a puan khan boruak a tichhe zual a ni. He thil vang hian Palestinian chuan Israel-Palestinian inkara remna a awm theihna tura palai hna thawk turin US chu a ring tawk tawh lo tih a sawi.