Iran economy minister paihthla

Iran MP-te chuan economy lamah harsatna an tawh chhoh mek avangin an ram economy minister Masoud Karbasian chu an paihthla.

Pathianni-a Parliament inkhawmah an ramin banking sytem, tax regulation lama harsatna an tawh mek avang leh, an ram economy buaina a siamṭhat theih loh avangin Karbasian rin tawk lohna motion hi put luh a ni a, vote lak niin minister hi paihthlak a ni ta a ni. Vote laknaah hian Karbasian paihthlak duhtu lamah vote 137 tlain, a thlawptu lamah vote 121 a tla thung a, mi pahnih an hai.

Kar thum liamtaah khan Labour Minister Ali Rabiei pawh hetiang bawk hian paihthlak a lo ni tawh a ni.

Iran President Hassan Rouhani kaihhruai sorkar hian an rama oil man sang zel vang leh, an pawisa hlutna tlakhniam avangin harsatna a tawk mek a ni. Hei bakah hian 2015 nuclear deal aṭanga US a inhnuhdawh hnuah an ram hrekna a siam thar leh avangin an buaina hi a zual phah hle bawk.

Foregin Minister Mohammad Javad Zarif chuan US chu Iran leh sumdawnna lama a thawhpuite laka indona puansakah a puh.