Israel-in Gaza crossing a hawng leh dawn

Israel chuan Gaza Strip ramri, Erez border crossing chu kar khat chhung a khar hnuah ramri boruak a ṭhat chhoh avangin vawiin aṭang hian a hawng leh dawn niin Defence Minister Avigdor Lieberman chuan a sawi.

Lieberman chuan nimin khan thuchhuah siamin, hmar lam aṭanga Gaza Strip kalpawhna awmchhun Erez border crossing chu hawn a ni dawn tih a sawi a ni. Israel chuan Gaza nena an inri-na Palestinian mi nawrh huaihawtten buaina siam a, Israel sipaite an beih fo avangin August 19 khan he ramri hi a lo khar tawh a ni.

Palestinian mite hi March 30 aṭang khan Israel ramri bulah hian nawrh huaihawtin, Israel-in Palestinian ram a luahsak, Israel ram chinah kir leh an tum tih an sawi. Ramri-a nawrh huaihawt leh Israel sipaite hi innawr buai fo a, Israel sipaite silai hmehpuahah mi 172 vel an thi a, Palestinian sniper-in Israel sipai pakhat a kaphlum bawk.