Pakistan: President thlanna atan inbuatsaih

Pakistan President thar thlanna chu September 4 hian neih ani dawn a, inthlan neih tura atan hian inbuatsaih ṭan a ni.

President thlannaa chuh tur hian candidate pathumin nomination paper an thehlut tawh. Nomination paper thehlutte hi rorellai Pakistan Tehreel-e-Insaf (PTI) member Arif Alvi, Muttahida Majlis-e-Amal (MMA) aiawhin Fazal-ur-Rehman leh Pakistan Peoples' Party (PPP) aiawhin Aitzaz Ahsan te an ni.

Eptu party lian ber, Pakistan Muslim League-Nawaz (PML-N) leh eptu party tenau dangte chuan Fazal-ur-Rehman hi an thlawp dawn tih an sawi. Eptu party hian ṭangruala candidate pakhat chauh siam an rawt a, mahse candidate ruat tur chungchangah an inlungrual thei ta lo a ni.

PML-N chuan PPP chu candidate atan a ruat, Aitzaz Ahasan hi thlak turin an duh a, Ahsan-a hi jail-a tang mek, PML-N hruaitu hlui Nawaz Sharif-a chungchang a sawidanah a chungah PML-N party hi an lawm lo hle a ni. Thawhṭanni thleng khan eptu party-te chuan meeting hi neih chhunzawm mah se, canditate inṭawm neih hi an rel fel thei ta lo a ni.