Thailand-in monorail transit line siam ṭan

Thailand chuan Thawhṭanni aṭang khan Bangkok-a traffic tawt lutuk tih ziaawmna turin monorail transit line pahnih siam hna a thawk ṭan.

Transit line pahnih- Pink Line leh Yellow Line te hi kum thum leh thla thum chhunga siam a ni dawn a, kum 2021 kumtawp lam emaw, 2022 kumtir lamah emaw hman theih tum a ni tih Transport Minister Arkhom Termpittayapaisith chuan a sawi.

Pink Line hi km 34.5-a thui niin station 30 a awm dawn a, Yellow Line hi kum 30.4-a thui niin station 23 a awm ang. Heng line-te hian darkar khatah passenger 28,000 vel an phur thei dawn a, darkar khata km 80-a chakin a tlan thei dawn a ni.

Bangkok khawpui hian traffic tawt vangin harsatna a tawk fo tawh a, hei vang hian sorkar chuan mass rapid transit line dang pawh siam belh a tum a ni. Bangkok-ah hian mass transit line pali a awm mek a, line dang pakua chu tihlen tumin siamṭhat mek an ni bawk.