Bangladesh-ah TV journalist that

Bangladesh-ah private news channel Ananda TV correspondent leh Daily Jagroto Bangla newspaper-a thawk, journalist Subarna Nodi-i, kum 32 mi chu a chenna inah thah a ni.

Subarna-i hi Dhaka aṭanga km 150 vela hla, Pabna district-a Radhangar area-a cheng a ni. A pasal nen inṭhenin a fanu kum kaw mi nen an cheng a ni.

Tualthattute hi mi 10-12 vel nia sawi an ni a, Thawhlehni zan dar 10.45 vel khan motorcycle hmangin Subarna-i chenna in hi an pan a, doorbell hmetin kawngka a rawn hawn velah an hriamhrei kenin an that a, an tlanchhe zui nghal niin Pabna Additional Superintendent of Police Ibne Mizan chuan a sawi. Ṭhenawm khawvengte rawn tlan khawm nghalin, Subarna-i hi damdawi-in panpui mah se, a thi hman a ni.

Additional SP chuan pawikhawihtute man tumin police-te chuan beihpui an thlak nghal tih a sawi.