England-in ram 50 tan Quarantine rules titawp dawn

England chuan hripui leng vanga khuahkhirhna a siamte a thlahdul chho zel a, ram dang aṭanga an rama lutte khung hran hmasak phawt zelna dan a siam pawh ram 50 chuang tan a hlip tawh dawn.

Department of Transport chuan July 10 aṭangin he ruahmanna hi hman a ni dawn tih a sawi a, ram 50 chuang ngaihnathiamna an neih tur zingah hian France, Spain, Germany leh Italy pawh an tel. Dan an hman mekah chuan ram dang aṭanga zin lutte hi ni 14 chhung an inkhung hran leh phawt a ngai a ni. 

Inkhung hran ngai lo tur ram an thlante nen hian ruahmanna hi siamin, heng ramah pawh hian UK-a aṭanga kalte chu an inkhung hran a ngai dawn bik lo a ni. Hetih lai hian ngaihnathiam ram zingah hian US a la tel lo thung.