Putin-an hmeichhe pension kum tihtlem sak a tum

Russia President Vladimir Putin chuan pension sytem siamṭhatna tura a ruahmanna siamah, hmeichhiate pension kum chu kum 63 aṭanga kum 60-a tihtlem sak a tum thu a sawi.

TV-a thu a sawinah, Putin chuan pension system siamṭhat chu ram sum dinhmun humhalhna atan te, national security venhimna atana te a pawimawh thu a sawi. Putin hian a hmain pension kum zat hi a tisang dawn lo tiin alo tiam tawh a ni.

Pension system siamṭhatna tura Prime Minister Dmitry Mevedeve-a kaihhruai sorkarin rawtna a siamah, mipa pension kum chu kum 60 aṭanga 65 leh, hmeichhia chu kum 55 aṭanga 63-ah tihsan alo rawt tawh a ni. He rawtna hi an ram mipui tam berin an duh lo hle a, hei vang hian Putin-a larna pawh a tlakhniam phah a ni.

Mahse TV-a thu a sawiah, President Putin chuan pension system chu siamṭhat a ni ngei dawn tih a sawi a, hemi rual hian hmeichhiate lakah erawh an nem tur thu sawiin, pension kum tura rawt kum 63 chu kum thuma tihtlem a ni, a ti.