Argentina-in IMF-ah loan dallar tld 50 a dil

Argentina chuan an ram sum dinhmun chhe zel avanga an inkhaichhuahna turin International Monetary Fund (IMF) hnenah loan dollar tluklehdingawn 50 a rang thei anga pe turin a ngen.

President Mauricio Marci chuan Argentina economy dinhmun siamṭhatna atan he ruahmanna hi siam anih thu a sawi. Argentina hian sum leh pai lamah harsatna a tawk mek a, an ram pawisa, peso hlutna chu 40% chuang zetin a tlahniam tawh a, hetihlai hian thil man a sang chak hle bawk.

IMF managing director Christine Lagarde chuan Argentina sorkar hmalak tum dan chu a thlawp thu sawiin, an policy kalpuina tur hian puih an inhuam reng thu a sawi.

IMF aṭanga loan lakna tur hi kumin May thla khan sawifel ni tawh mah se, President Macri chuan an ram economy dinhmun chu a ṭhat chhoh a, heng sumte hi hman a ngaih kher loh a beisei thu a sawi. Mahse sum lamah harsatna an tawh chhoh zel avangin, loan a dil hi a rang thei anga pe turin a ngen leh ta zawk a ni.