Afghanistan lirnghingah mi 26 an thi

Afghanistan khawthlang ramah Thawhṭanni khan lirnghingin chhiatna a thlenah mi 26 velin nunna an chan.

Lirnghing vanga thite hi Badghis province thlang lam, Qadis district-a chenna in chim vanga thite an nih thu province thupuangtu Baz Mohammad Sarwary chuan a sawi. Thi zingah hmeichhia panga leh naupang pali an tel. Lirnghing hi magnitude 5.3-a na a nih thu US Geological Survey chuan a sawi bawk. Lirnghing vang hian Muqr district-ah pawh chhiatna thlengin, thi leh hliam erawh an awm hriat a ni lo.

Afghanistan ramah hian lir a nghing fo a a, a bikin Eurasian leh Indian tectonic plates hnaiha Hindu Kush mountain range-ahte a thleng fo ṭhin. Kum 2015 khan,magnitude 7.5-a na lirnghing vangin mi 280 an thi a, thi zinga a tam zawkte hi Pakistam ram mi an ni. He chhiatnaah hian school building aṭanga tlanchhuah tumte innekbuaina thleng vangin Afghan hmeichhe naupang 12 te chu chil hlum an ni.