Brazil court-in pre-election poll-a Lula lan a remti

Brazil Superior Electoral Court (TSE) chuan October thlaa an ram president thlanna neih tur chungchanga mipui ngaihdan lakah president hlui Lula Inacio da Silva telh lo tura ngenna chu a hnawlsak.

Judge Tarcisio Viera de Carvalho Neto chuan TSE-in Lula hi president a chuh theih leh theih loh a tihchian hma chu opinion poll aṭanga a hming paihsak tura ngenna chu a hnawl a ni.

Brazil president term hnih lo chelh tawh, Lula hi eiruk thubuai avangin kum 12 tang tura hrem a ni a, jail-ah a tang mek a ni. Mahse heti chung hian a party, Workers' Party chuan president thlanna neih tura an party candidate atan an thlang lui tho a ni.

Brazil Clean Record Act chuan thiam loh chantirte chu inthlana an chuh a khap a, mahse Lula hian thiam loh chantir a nihna hi ngaihtuah ṭha leh turin a ngen mek a, hei vang hian TSE chaun inthlana a chuh theih leh theih loh tur chungchangah thutlukna a siam dawn a ni.