Nicaragua-in UN team hnawhchhuak

Nicaragua sorkar cuan an rama United Nations Commission for Human Rights team chu an ram chhuahsan turin thu a pe.

UN human rights team-in Nicaragua-a sorkar duh lohna lantira hun eng emaw chen nawrh an huaihawt chhungin sorkar chetdan sawisel a, nawrh huaihawtte dikna chanvo palzut sak anga a puhna report a tihchhuah hnuah, President Daniel Ortega kaihhruai sorkar chuan UN team hi a hnawtchhuak zui a ni.

Hetihlai hian UN mission hotu, Guillermo Fernadez chuan Nicaragua aṭanga hnawhchhuah ni mah se, an team chuan ram pawn lam aṭangin tualchhung dinhmun chu a thlithlai zui reng dawn tih a sawi.

Tunhnaia Nicaragua-a nawrh huaihawtnaa tharum thawhna thlengah khan mi 300 chuang an thi a ni.

UN High Commissioner for Human Rights chuan kar kalta Nilaini khan report tichhuakin, Nicaragua sorkar chu sorkar eptute a tihhlum ṭhin titawp turin a phut a, nawrh huaihawtte leh local human rights group-te chuan sipaite kutthlak leh nghaisak pawh an tuar nasa niin a tarlang. Mahse sorkar chuan he report hi a pawm loh thu leh, ṭan lam nei saa siam a nih thu a sawi thung. Eptu pawlten sorkar an beih dante chu an ngaihthah lui niin a sawi.