Beijing thuneituten ram dang ami thil order lo turin ngen

Beiing City official-te chuan hmeichhe pakhatin ram dang aṭanga parcel thawn a hawn hnuah Omicron variant a kai nia sawi a nih avangin, khawpui chhunga chengte chu ram dang ami thil order rih lo turin an ngen.

Covid-19 hri chu frozen food aṭangin a inkaidarh theih nia sawi thawmte a awm a, hei hi scientist tam takin ring lo mah se mipuite chu fimkhur hmasa turin an chah a ni.

Official-te chuan Beijing-a Omicron variant kai hmuh chu hmun danga zin chhuahna nei lo a ni tih sawiin, a parcel hawnah chuan virus pawh hmuh ngei a ni, an ti. He parcel hi Canada aṭanga a dawn niin health official Pang Xinghuo chuan a sawi. He parcel ruala lehkha thawn luh dangte pawh enfiahin, pangaah Covid hri hi hmuh a nih thu a sawi bawk. Ram danga thil thawn an dawng a nih pawhin, pawn lamah hawngin, a hawngtu chu kutkawr bun a, a bawm pawh chu paih nghal turin tih a ni.