Hong Kong independence activist chhuah zalen

Hong Kong indepen­dence activist Edward Leung chu kum li zet tan-inah a tan hnuin nimin khan chhuah zalen a ni ta.

Leung hi indepen­dence activist lar tak, pro-independence group Hong Kong Indigenous thupuangtu a ni.Hong Kong nihna humhim a, China aṭanga inlak hran a ṭul zia aupuitu a ni. Hong Kong sorkarin slogan a khap tak, "Liberate Hong Kong, Revolution of our Times," tih phuah chhuaktu a ni.

He slogan hi kum 2017 legislative election neihna tura Leung hian campaign slogan atan a siam a ni. Mahse a hnuah China aṭanga independence a thlawp avangin he inthlanah hian a din ve khap a ni. Kum 2020 security law siamthar hnuaiah chuan China laka inlakhran thlawpna hi pawisawina lian tak, damchhung tang tura hrem theihna a ni tawh.

Kum 2016-a nawrh huaihawt chungchangah Leung hi man niin, kum 2018 khan Fisball Revolution neihnaa buaina chawk chhuak leh police officer kut thlaka puh chungchangah thiam loh chantir a ni. Kum ruk tang tura hrem a ni a, mahse tan-in chhunga a nungchang ṭhat avangin hremna hi kum hnihin an tihtawi sak.

Nimin zing khan Leung chuan Facebook page-ah tan-in aṭanga chhuah a nih thu leh, a chhungte bulah a awm ve theih tak thu hi a sawi. Amah lo thlawptu leh ngaihsaktute chungah lawmthu sawiin, social media lam a khawih zui dawn hrih lo tih a sawi nghal bawk.