Khawvela mihring upa ber kum 112 mi niin a thi

Khawvel mihring damlai zinga upa bera chhal, Spain mi Saturnino de la Fuente Garcia chu kum 112 leh ni 341 mi niin a boral tih Guinness World Records chuan nimin khan a puang. London-a hmunpui nei, Guiness hian Garcia hi kum 112 leh ni 211-a upa a nih khan khawvela mihring upa berah a puang a, thla leh hian kum 113 a tling dawn a ni.

Meter 1.5 (Feet 4.9) leka sang Garcia hi February 11,1909 khan Ponte Castro, Leon-ah a piang a, a pa tet avang hian kum 1936-a Spanish Civil War-a tel turah khan thlan zinga a tel pha lo a, pheikhawk lama sumdawnna hlawhtling tak a kalpui chhunzawm ta a ni. Garcia hian fa pasarih, tu 14 leh tuchhuan 22 a nei hman a ni.

Guinness website-in a tarlan danin, chhinchhiah theih china mihring upa ber chu France mi Jeanne Louise Calment niin, February 1875 khan piangin kum 1997 khan kum 122 leh ni 164 mi niin a boral.