UK-a firm-ten kar khata hnathawh hun ni 4-ah titlem dawn

UK-a company 30-te chuan June thla aṭangin kar khata hnathawh hun ni liah titlemin an enchhin dawn. Hnathawh ni hi tihtlem ni mah se thawktute hlawh leh hamṭhatna dawn ṭhinte chu tihdanglam a ni lo ang.

Company 30-te hian he enchhina hi thla ruk chhung an kalpui phawt dawn a ni. Kar khata hnathawh hun hi darkar 32-ah bithliah a ni.

Four Day Week Campaign director, Joe Ryle chuan he ruahmanna hi company-te tan pawh hlawkna tur a ni tiin, zirchianna an neihah hnathawkten taksa leh rilru hriselna ṭha tak an neih chuan an hnathawh pawh a ṭha zawkin a hlawk zawk a ni, a ti. He programme hi UK bakah US leh Ireland, Canada, Australia leh New Zealand-ahte pawh enchhin chhoh tum a ni tih Ryle chuan a sawi bawk.