Israel-ah Rodrigo Duterte a zin

Philippine President Rodrigo Duterte chu ni li cham turin Pathianni khan Israel-ah a zin a, kum 1957-a ram pahnihte palai an intirh tawn hnua Philippine President zinga Israel rama zin hmasa ber a ni.

Kum 73 mi, Duterte chuan Israel pana a chhuah hmaa Manila-a chanchin thar lakhawmtute a kawmnaah, area pawimawh hrang hrang- defence leh security, law enforcement, economic development, trade, investment leh labour lamah Israel nena thawhdunna zau leh ṭha zawk an neih theih a beisei thu a sawi. Hei bakah hian Israel ralthuam siamte an ram hnenah hralh tir chungchang pawh a sawipui tur zingah a tel tih a tarlang. Nimin khan Duterte hian Jerusalem-a Yad Vashem Holocaust memorial a tlawh nghal. Israel ramah hian Filipino 28,000 vel an khawsa mek a ni.