Argentina President-in ministry titlem dawn

Argentina President Mauricio Macri chuan sorkarin sum hmanral tihtlem nan leh, an ram sum leh pai dinhmun siamṭhatna kawngkhat atan ministry zahve vel chu tihtawp a ni dawn tih a sawi.

President hian sorkar sum lakluh tipunna atan ram pawn lama bungrua an thawnchhuahah chhiah lakna tur thar pawh a tlangzarh nghal a ni.

Thuchhuah siamin President Marci chuan ministry tihtlem a tum thu hi a sawi a, an bungrua thawnchhuaha chhiah lak chu ngaihdan ṭha tak nilo mah se an ram dinhmun thlirin tih ngei a ṭul si niin a sawi.

Argentina ram hian sum leh pai lamah harsatna an tawh mek a, thil man a sang chakin an pawisa hlutna pawh a tlahniam tawh hle.