Israel radio-in Richard Wagner music tih chhuah vangin ngaihdam dil

Israel public radio chuan Richard Wagner-a music a tichhuah avangin ngaihthlatute hnenah ngaihdam a dil zui nghal.

Kum zabi 19 hunlaia German composer, Richard Wagner hi Juda hawtu niin, Hitler-a pawhin a ngaisang hle a ni. Kar kalta Zirtawpni khan Israel-a classicial music station, Kol Hamusica station chuan Wagner-a hla, Götterdämmerung (Twilight of the Gods) a tichhuak a ni. He hla a tihchhuah vang hian ngaihdam a dil zui nghal a, editor tihsual palh a nih thu saiwin, Wagner-a hla chu tihchhuah a ni tawh dawn lo tih a sawi zui nghal bawk.

Israel Public Broadcasting Corporation chuan an hla tihchhuah avanga German mite tihduhdah tuartu, Juda mite rilru natna chu an hriatthiampui thu a sawi a ni. Wagner-a music hi Israel ramah hian khap ni lo mah se, mipuiten an dodal nasat ṭhin avangin tihchhuah a ni ngai lo.