Mohammad sawichhiatna thlalak dah vangin Pakistan court-in thi turin hmeichhe pakhat chungthu a relsak

Pakistan court chuan Muslim hmeichhe pakhat chu WhatsApp-ah zawlnei Mohammad leh a nupui pakhat sawichiatna lam hawi thlalak a thawn avangin thi turin a chungthu a relsak.

Rawalpindi-a trial court chuan Nilaini khan Muslim sakhaw sawichhiat khapna dan hnuaiah Aneeqa Ateeq hi a hrem a ni. Judge Adnan Mushtaq chuan, "Zawlnei Muhammad deusawh leh sawichhiatna lam hawi thlalak hi he hmeichhe hian a WhatsApp-ah a thawn a, he thil hi Muslim-te tan chuan pawmzam leh ngaihthiam theih loh a ni," a ti. He thil hi kum 2020-a mi daih tawh niin, he thlalak a thawn Farooq Hassanat chuan Aneeqa lakah hian complaint a thehlut a ni. Federal Investigation Agency (FIA) chuan hun eng emaw chen a chhuichian a nih hnuah Aneeqa lakah thubuai ziak lutin an man zui a, Nilaini khan court chuan thutlukna hi a siam ta a ni.

Pakistan ramah hian zawlnei Mohammad sawichhiaa puh vanga kut tuar leh thah hi an pawh an awm fo a ni. Kum 1990 aṭang khan sakhaw sawichhiaa puh kaihhnawihah mi 80 thah an ni tawh a, an zingah hian judge pakhat pawh a tel.