Qatar-in exit visa system titawp

Qatar chuan an rama ramdangmi hnathawka awm, an ram an chhuahsan dawna anmahni chhawrtute phalna lak kher ngai ṭhin chu a titawp.

Qatar-in dan thar a siam hnuaiah hian company-a hnathawktu zinga senior position luahtu, 5% vel chauh chuan Qatar chhuahsan turin phalna an neih a ngai dawn a ni.

United Nations agency International Labour Organization chuan Qatar dan siam danglam chu lawmawm a tih thu a sawi a, hei hian Qatar-a ramdang mi hnathawka awmte tan nghawng ṭha tak a nei dawn a ni, a ti. Hnathawktute, an thawhna company aṭanga phalna lak kher ngai loa Qatar an chhuahsan phalsak a ni ta chu Qatar sorkarin hnathawktute dinhmun siamṭhat a tumna a taka kalpui ngei a tum zia a takin a tilang a ni, a ti.