United Nations Security Council Non-permament member thar thlang

United Nations Security Council (UNSC)-a non permanent member tur, Nilaini zana thlan takah India, Mexico, Ireland, leh Norway chu thlan an ni a, Africa ram aṭanga thlan tur erawh vote hmuh ngai zat hmu phak an awm loh avangin result a la hriat theih loh.

UNSC-a non permanent member hi kum 2 term a ni a, thlan tlin ni tur hian vote tla hmun thum aṭanga hmun hnih hmuh phak a ngai a ni. Thlan tharte hi nakkum January 1 aṭangin an term a in ṭan ang. Nizan khan Africa ram aṭanga thlan tur hi vote lak ṭhat leh a ni.

UNSC-ah hian non permanent member 10 a awm a, kumtinin member panga thlan thar ziah a ni. Non permanent member hi geographical representation-a ṭhen a ni. Africa leh Asian ram aṭangin panga thlan chhuah tur an ni a, Eastern Europe aṭangin pakhat, Latin American aṭangin pahnih leh Western Europe leh ramdang aṭangtein ram pahnih thlan chhuah an ni ṭhin a ni. 

United Nations Security Council hi UN six organ zinga pawimawh ber nia sawi a ni. UNSC-ah hian member nghet permanent member hi panga an awm a, chungte chu US, UK, Russia, France leh China an ni. Non permanent member nilai mek hi Belgium, Dominican Repub­lic, Estonia, Germany, Indonesia, Niger, Saint Vincent and the Grenadines, South Africa, Tunisia leh Viet Nam-te an ni. 

Member kalchhuak tur hi Belgium, Dominican Republic, Germany, Indonesia leh South Africa an ni a, kalchhuakte hi India, Mexico, Ireland, leh Norway chuan an thlak dawn a, Africa ram aṭanga member ni tura tlingin a rawn thlak bawk ang.