Hydroxychloroquine-in Covid-19 vanga thihna tihtlem phah lo
World Health Organization chuan Covid-19 kaite enkawlna atana hman ṭhin, anti-malaria drug, Hydroxychloroquine chuan he hri vanga thihna a tihtlem phah lo tih a puang.Ni li kal ta khan US chuan Covid-19 kaite enkawlna atana emergency-a a hman ṭhin, hydroxychloroquine leh chloroquine a hman ṭhin chu a titawp a, hemi hnu hian WHO chuan he damdawi hi hri kaite enkawl nan a rintlak tak tak loh thu hi a puang chiang ve ta a ni.
WHO health emergencies programme hotu, doctor Ana Maria Henao Restrepo chuan Covid-19 kaite enkawl nan he anti malaria drug hi ram hrang hrangah chuan tihtawp chhoh mek a nih thu press conference a neihnaah a sawi.