US-in Syria a hrekna Iran-in dem
Iran Foreign Ministry chuan nimin khan thuchhuah siamin US-in Syria hrekna thar a siam chu an dem tih tarlangin Arab state-te nena economy lama inzawmna ṭha tak an neih chu an kalpui chhunzawm zel dawn tih an sawi.
Foreign ministry thupuangtu Abbas Mousav chuan thuchhuah a siamah hian US-in Syria hrekna dan thar a siam chuan international law palzutna leh humanitarian principle zah lohna a nih thu a sawi a ni.
"Thuchhuah a lo siam tawh angin Islamic Republic of Iran chuan hetianga inhrekna rapthlak leh awn lam nei tak hi a pawmzam dawn lo a, Syria laka economic terrorism-ah a ngai.
"Syria-in a hma ang khan economy lamah kan la thawhpui chhunzawm zel dawn a, hrek an ni chung hian ecomony lamah inkungkaihna ṭha zawk kan siampui dawn a ni," a ti.
US hian Nilaini khan Syria hrekna dan thar a siam a, Caesar Act hnuaiaah hrekna hi siamin Iran mi pawimawh 39 a hrek a, chung zingah chuan Syrian President Bashar al-Assad leh a nupui pawh an tel.
US Secretary of State Mike Pompeo chuan thuchhuah a siamah Assad regime nena inkungkaihna nei reng reng chu khawvel khawi hmunah pawh awm se, sum lamah leh zinna kawngah an hrek dawn a ni, a ti.