NKorea-ah tuilian vangin mi 76 thi

North Korea ramah tuilian vangin mi 76 an thi a, chin hriat lohin mi 75 an awm mek bawk niin Red Cross chuan a sawi. Chin hriat loha awm zingah hian naupang tam tak an tel.

Ruahsur nasa vangin North leh South Hwanghae province-ah tuilian leh leiminin chenna in, clinic leh school 800 chuang a ti chhia a, Red Cross volunteer-te chuan chhanchhuah hna an thawk a ni.

International Federa-tion of Red Cross and Red Crescent Societies (IFRC) North Korea country office hotu John Fleming chuan tuilian leh leimin vang hian mi sang telin an chenna in an chan a, ṭanpui ngaiin an awm mek tih a sawi. Health service, awmna tur, ei tur leh tui thianghlim te an mamawh tih a sawi. Thlasik a thlen chhoh mai dawn avangin harsatna nasa tak an hmachhawn lohna turin theihtawp chhuah a ngaih thu a sawi bawk.

North Korea hian leilung chhiatna a tuar fo a, kum 2016 khan North Hamgyong province-ah tuilian vangin mi 130 chuangin nunna an lo chan tawh a, in tam tak chhia in, mi sing tel chu ei tur leh awmna mumal nei loin an awm phah tawh a ni. Kum 1994-1998 inkar khan tuilian leh khawkheng an tuar avangin mipuite an ṭam nasa hle bawk a ni.