Jim Mattis-a'n Afghanistan tlawh

US Defence Secretary Jim Mattis chuan puangzar lawk loin nimin khan Afghanistan a tlawh.

Jim Mattis hian tunhnaia Afghanistan a tlawh ṭum hnihna leh, defence secretary a nih hnuah a tlawh ṭum li-na a ni. Nimin vek khan Afghanistan President Ashraf Ghani leh American leh NATO forces commander thar, General Scott Miller pawh a hmu a ni. Mattis hi Joint Chiefs of Staff chairman General Joseph Dunford-an a ṭawiawm.

Mattis chuan Taliban-ten inremna kawng zawnga inbiakna neih chungchanga hmasawnna te a sawipui a ni. Kumin June thla khan US official leh Taliban aiawhten Qatar-ah inbiakna an neih hnuah inkahhai puan a ni. Taliban-te hian Afghanistan sorkar nena inbiakna neih an duh lo a, midang kaltlang loa US nena inbiakna neih an phut a ni. Hei vang hian tun thla tawp lamah US leh Taliban aiawhte hian meeting an nei leh maithei nia sawi a ni bawk.