US palaiin SKorea, China leh Japan tlawh dawn

US State Department chuan North Korea rama nuclear ralthuam tihbo tum chungchang sawipui turin September 10-15 chhung hian special representative Stephen Biegun chuan South Korea, China leh Japan a tlawh dawn tih a sawi.

Biegun hian kumin June thlaa Singapore-a US President Donald Trump leh NKorea hotu Kim Jong-un ten summit an neih ṭum a Kim-an an rama nuclear ralthuam tihbo a lo tiam tawh chu tihhlawhtlin a nih theih nana hmalak dan turte chu ram pathum palaite hi a sawipui dawn a ni. State Department chuan Korean Peninsula-a nuclear ralthuam tihbo chu NKorea nen indo tihtawpna tur thutlung an ziahfel hma ngeiin a thleng tur a ni tiin thla hmasa khan a lo sawi tawh a ni.