Pakistan PM-in eptu party-te vau

Pakistan prime minister Imran Khan chuan eptu party-te chuan PM a nihna aṭanga bang tura an nawr lui zel a nih chuan a hma aiin an lakah a hlauhawm tih sawiin a vau.

March 23-a eptu ṭangrual pawl, Pakistan Democratic Movement (PDM)-in kawngzawh buatsaih an tum chungchangah pawh, an thil tum chu a hlawhchham dawn tih a sawi bawk. "Kawtthlerah kan rawn chhuak ve a nih chuan, eptu party-te chuan birukna tur pawh an hre lo ang," a ti.

PDM hi ṭangrual party parukten an din a ni a, politics-ah Pakistan army inrawlh leh, inthlanah inrawlha an ram hruaitu atan an duh anga an thunun theih Imran Khan daha puhin, hemi dodalna atan hian an din a ni.

Jamiat Ulema-e-Islam-Fazl hotu, PDM president ni bawk Maulana Fazlur Rahman chuan eptu party-te hian Imran Khan kaihhruai sorkar chu dan ang taka din ni lo leh sorkar ni tlak lohah puhin, he sorkar hi paihthlak a nih theihna atan March 23 hian Islamabad-ah kawngzawh huaihawt a ni dawn tih a sawi.

Mahse PM Khan chuan a kaihhruai sorkar chuan a term hman mek chu a hmang zo ngei dawn a, inthlanpui neih lehah pawh an chak chhunzawm zel dawn tih a sawi thung.