Armenia President-in banna thehlut

Armenia president Armen Sarkissian chuan a office-in state lal ber ni turin thu­neihna a nei tawk lo tia sawiin, banna a thehluh thu a puang.

Kum 2018 khan Armenia sorkar hi presidential system aṭangin parliamentary system-ah leh niin, national Parliament chuan president atan Armen Sarkissian hi a thlang a ni.

He hna chelh tur hian President kal­chhuak ta Serzh Sargsyan chuan a rawt a ni.

Pathiannia banna a thehluh ruala a thusawiiah Sarkissian chuan, President ni tura thuthlukna ka siam rual khan, rawtna rawn lutte kha ka innghahna ber a ni. President chuan hmanrua, foreign policy, economic leh investment policy-ahte thuneihna a nei ang tih a ni," a ti. Mahse heng an sawi ang thuneihnate hi President chuan a nei leh si lo tiin a sawi.

Parliamentary system hnuaia kum 2018-a sorkar a din aṭang khan President hi ram hotu lu ber ni mah se, President nihna hi a hming mai niin, thuhneihna tak tak nei lo a ni. President atana Sarkissian lakluh a ni hnuah, Sarsyan chu prime minister atan ruat a ni leh. Mahse ram hruaitu tam takin an duh loh avangin kar khat hnuah a bang a, PM atan hian Nikol Panshiyan dah a ni ta a ni.