Sweden-in inthlanpui nei

Sweden ram inthlanpui chu nimin khan neih a ni.

Nimina inthlanah hian ramdang aṭanga Sweden-a pem lutte khuah­khirhna siam duhtu party, Swenden Democrats (SD) chu an chet ṭhat rin a ni. Hetih lai hian Rorellai Social Democrats chuan majority an neih phak rin a ni lo bawk.

Prime Minister Stefen Lofven chuan SD chuan kal firfiak hle nia sawiin, he party vote chu thil hlauhawm tak a ni dawn a ni, a ti.

Inthlan dawna campaign-naah pawh pemlut, immigration chungchang hi an inbeihna ber a ni. SD hian kum 2014 inthlanah khan inthlan hmasa aiin a letin seat an la hnem a, hetiang bawk hian tun ṭum inthlanah hian a chet ṭhat chhoh leh rin a ni bawk.

SD hruaitu Jimmie Akesson chuan Sweden chu kawng hrang hrangah a firfiak hle laiin, immi­gration chungchang erawh a ngaihthah hle niin a sawi. An party-in thuneihna an chan chuan ramdang aṭanga pemluh phalsak zat tihtlem an tum a, chu chu Europe ram danga policy kalpui pangngai ang tho a ni, a ti.

Sweden economy hian hma sawn hle mah se, mipui tam tak chuan kum 2015 aṭang khan ramdang aṭanga pemlut an tam avangin housing, healthcare leh welfare service thlengin a nghawng niin a ngai a ni. Hemi kum hian Sweden hian ram dang aṭang himna dil, mi 163,000 zet a la lut a ni.