US-in East Jerusalem hos-pital ṭanpuina titawp dawn
US sorkar chuan Est Jerusalem-a hospital-te tana ṭanpuina a pek ṭhin, dollar matkaduai 25 chu titawpin, thildang pawimawhah heng sumte hi hman a ni zawk dawn tih a sawi.
US-in Palestinian-te ṭanpuina a pek ṭhin chu US duhdan leh lungawina angin hman a ni em tih an ennawn hnuah, August thla khan State Department chuan Palestinian-te ṭanpuina pek ṭhin dollar maktaduai 200 chuang zet chu tihtawp a ni dawn tih a lo puang tawh a ni. Ṭanpuina pek tihtawp tur zingah hian hospital chungchang hi sawi tel a nih loh avangin a huam tel dawn loa ngaih a ni a, mahse hospital ṭanpuina pawh tihtawp a ni dawn tih a puang leh ta a ni.
Palestinian Authority chuan US thutlukna siam chu sawiselin, political blackmail a ni, a ti. Palestine Liberation Organization executive committee member Hanan Ashrawi chuan he thl hian West Bank leh Gaza Strip-a damlo leh an chhungte lakah nghawng ṭha lo tak a nei dawn a, Palestinian healthcare sector hnuaia thawktu mi sang telten an tuar dawn bawk a ni, a ti.