Russia-in war games ṭan

Russia chuan Cold War hnua war games lian ber chu nimin aṭang khan a nei ṭan ta.

War games hi September 17 thleng neih a ni dawn a, Siberia khawchhak lamah neih niin Thawhṭanni khan an inbuatsaih dante pawh enfiah vek a ni.

Kumina war games buatsaih, 'Vostok-2018'-ah hian sipai 300,000 vel an tel dawn a, China pawhin sipai 3,200 bakah motor leh thlawhtheihna te pawh teltir a tum. Mongolia pawhin a sipaite a teltir dawn bawk.

Russian defence ministry chuan Vostok-2018-ah hian tank leh sipai motor 36,000 zet hman a ni dawn a, thlawhtheihna 1,000 chuang an tel dawn bawk tih a sawi. He sipai nunchan zir hi army training ground panga, airbase pali leh Sea of Japan, Bering Straits leh Sea of Okhotsk-ahte neih a ni ang a, navy lawnglian 80 vel an tel dawn bawk a ni.