Koffi Annan-a ruangin Ghana a thleng

United Nations Secretary General hlui Kofi Annan-a ruang chu Switzerland aṭangin Ghaana-ah phurh thlen a ni ta.

Thawhṭanni khan Annan-a ruang hi special flight hmangin Accra, Ghana-a Kotoka International Airport (KIA)-ah ṭumpui a ni a, a nupui Nane Maria Anna, a fate bakah UN staff ṭhenkhatten an zui a ni. Annan-a ruang hi Ghana Armed Force-ten lo dawngsawngin, a kuang khuhna atana UN flag an hman chu Ghana ram flag-in an lo thlak nghal a ni.

Airport aṭangin Annan-a ruang hi Accra International Conference Center-ah lak a ni a, he hmunah hi ni thum chhung dah a ni ang. September 13 hian sorkar chawimawina nen Annan-a hi vui a ni dawn a, he hunah hian ram dang hruaitu pawh eng emaw zat an tel beisei a ni.