China-ah African swine fever hmuh a ni

China ram khawchhak lam, Anhui province-ah Thawhṭanni khan vawk hri, African swine fever hmuh a ni a, he natna hri hi khawpui dangah pawh a darh tawh nia hriat a ni.

China Ministry of Agriculture and Rural Affairs chuan an website-a thuchhuah an siamah, Anhui-a Tongling khuaah vawk hri leng vang hian vawk 23 an thi tawh a, a dang 63 pawhin he hri hi an kai tawh niin a sawi. 

Hei hi August 3-a African swine fever hmuhchhuah a nih hmasak ber hnuah hri leng hmuh a nih ṭum 14-na a ni a, Anhui province bikah vawk hri a len ṭum riatna a ni bawk. U.N. Food and Agriculture Organization (FAO) chuan kar hamsa khan vawk natna hri leng vang hian vawk vulh lai 40,000 vel suat an ni tawh tih a sawi.