Ethiopia-a nawrh huaihawt-naah mi 160 chuang thi

Ethiopia ram zaithiam lar, Haacalu Hundeessa thih dan chungchanga lungawi lohna lantira nawrh huaihawtnaah mi 160 chuang an thi tawh niin police-te chuan an sawi. 

Oromia bial-a deputy police commissoiner Grima Gelam chuan nawrh huaihawt leh police-te innawr buainaah civil mi 145 leh security force 11 in nunna an chan tawh a ni, a ti. An ram khawpui, Addis Ababa-a buaina chhuakin mi 10 an thi bawk. 

Oromo hnam, pop star Haacaalu hi kar liam ta Thawhṭanni zan khan Addis Ababa-ah tu tih hriatloh ten an kaphlum a ni. He tualthahna thleng duh lohna Oromia bial bakah hmun hrang hrangah lungawi lohna an la lantir chhunzawm reng a ni.