Greece khawpuia thil puakin building tichhia

Greece khawpui, Athens-ah nimin khan thil puakin building eng emaw zat a tichhia a, mi pakhatin hliam a tuar bawk.

Official-te chuan he thil thlenna hi khawpui laili tak a ni tih sawiin, eng vanga thleng nge tih an la hriatchian theih loh thu an sawi. He thil puak hian Syngrou Avenue hmuna in leh dawr eng emaw nghawrin, tukverh darthlalangte a keh nasa hle. Meter 200 vela hlaa inte pawh an chhe tel a ni.

Thil puak vang hian kangmei a chhuak zui a, kangṭhelhtu mi 18-ten kangṭhelh motor 18 nen an ṭhelh zui nghal a, darkar eng emaw zat hnuah an ṭhelh mit thei a ni. He thil thleng hi chhui chian nghal a nih thu official-te chuan an sawi.