Zimbabwe eptuten President atan Nelson Chamisa puang dawn

Zimbabwe eptu party, Movement for Democratic Change (MDC) chuan Inrinni hian sorkar tihelna inkhawm buatsaihin, president atan an party hruaitu Nelson Chamisa an puang dawn. Hei hi July 30-a an ram inthlanpui neiha vote tihchingpen anih chungchang pholanna atana an tih a ni.

Inthlanah hian Chamisa hian rorellai, Zanu-PF candidate Emmerson Mnangagwa a hneh zo lo a ni. Mahse eptute chuan vote tihchingpen a nih thu sawiin, Chamisa hi inthlanah hian a chak zawk niin an sawi a ni. Chamisa-an inthlan result hnawl tura a ngenna chu constitutional court chuan a hnawlsak a ni. MDC thupuangtu NkululekoSibanda chuan an party chuan Chamisa chu dan ang taka president atana thlanah an pawm thu a sawi a, mahse a hnehna chan chu inbumna leh dik lo tak hmangin hnawlsak a ni, a ti.