US-in Palestinian mission khar dawn

US chuan Washington-a Palestine Liberation Organisation mission chu a khar dawn.

Palestine Liberation Organisation hian kum 1994 khan Washington-a a office hi a hawng a ni.

US State Department chuan thuchhuah siamin, US-in Israel leh Palestinian inkara inremna a awm theihna atana a hmalaknaa PLO hruaitute an tel duh loh avang leh, International Criminal Court (ICC)-ah Israel chungchang chhuitir a tum vang niin a sawi. Palestinian official-te chuan US thutlukna siam chu thil ṭha lo tak a ni, a ti.

President Donald Trump chuan Middle East peace plan a siam chu tlangzarh a tum a, mahse nikum December thlaa Trump-an Israel khawpuiah Jerusalem a pawm thu a puan avang khan a hmalaknaah hian Palestinian official-te chu an tel duh lo a ni. Nikum khan state department chuan a hmalakna hi Palestinian lamin an dodal zel chuan mission hi kharsakah alo vau tawh a ni.